شنطة رمضان 1431

شهر رمضان .. شهر الخير

ناس كتير بتستناه من السنه للسنه وفي ذلك مختلفون

فيه ناس بتستناه عشان العبادات
...
وفيه ناس بتستناه عشان تحصل علي ثواب مضاعف من اي حاجة تعملها

وفيه ناس بتستناه عشان وجبه المسلسلات الشهيه اللي بتيجي فالتلفزيون

وناس عشان الاكل الكتير والعزومات

وفيه ناس مش لاقيه الاكل الكتير ده ولا حتي جزء منه

دول الناس اللي احنا عاملين الايفنت ده عشانهم

عشان نوصلهم مواد غذائية تموينيه يقدروا يعملوا بيها اكل يكفيهم ، رز ومكرونه
وبقوليات وزيت

هنعمل ان شاء الله شنطتين

شنطه في اول رمضان ، وشنطه في نص رمضان

عشان الشنطة الواحده مش بتكفي الاسره طول الشهر

ايه مكونات الشنطة

:
2كيلو رز
2كيلو فول
1 كيلو مكرونة
1كيلو فاصوليا
1كيلو تمر
1كيلوسكر
ا زجاجة زيت

=====================

الايفنت ده مش بس معمول للناس اللي محتاجه غذاء واكل

ده كمان عشان الناس اللي محتاجه حسنات تزود بيها رصيدها وتتقل بيها ميزانها ، الناس اللي محتاجه تاخد ثواب ، اللي محتاجه تكفر عن ذنوبها عن سيئات او قسم رجعوا فيه

باطعام المساكين
وده مش اطعام عادي

ده افطار ، وفي شهر رمضان

شهر رمضان اللي الناس بتستناه
وانت حدد بتستناه ليه ؟

مطلوب منك ايه ؟ او تتقدر تشارك ازاي ؟

1- اهل بيتك اللي اكيد بيجهزوا لأكل رمضان من دلوقتي قولهم ان فيه ناس محتاجه كميه اقل من دي بكتير وعرفهم الثواب اللي هياخدوه لو شاركو بكيلو او اتنين رز او مكرونه

2- ساهم بمواد غذائية او مشاركات ماديه

3- شارك في شراء ونقل المواد الغذائية

4- ساعد في تعبئة وتكييس الشنط

5- ساعد في توزيع الشنط علي محتاجينها

-----------------------------------

للتواصل والاستعلام
============

أ / محمود نشأت 0187820257

shbabsa7@gmail.com للشباب

girls_info_shbabsa7@yahoo.com للبنات

==================================

وتذكر أن الصائم بإمكانه أن يحصل على أجر أكثر من صائم لقوله صلى الله عليه وسلم :" من فطر صائما كان له مثل أجرة غير أنه لا ينقص أجر الصائم شئ ". (أخرجه أحمد , والترمذى)

حملة مساعدة أطفال الأورام

بنحلم نسعدهم وندخل الفرح في قلوبهم
ماهو كفايه الدوا والكيماوى اللي تاعبهم
والخوف اللي باين في عيونهم
ليه منكونش معاهم ونفرحهم
ليه منكونش اصحاب ليهم ونمسح الدمعه من عنيهم
...ربنا يغفرلنا ذنوبنا ويحبنا
ونشوف الحب والخير في قلوبنا
ونفرح ونفرح غيرنا

علشان كده قررنا نساعدهم

هنجيبلهم , عســل و أدويـــــة
و هنعملهم حفلــــــلة كبيــــــرة

وعلشان نعمل كده محتاجين حاجات كتير

أول وأهم حاجه محتاجينها
هو أنــت
محتاجينك تحضر معانا الحفلة النهائية وتشارك فى التنظيم
محتاجينك تنشر الحملة علشان توصل لكل الناس
محتاجينك بقلبك و دعائك معاهم

تانى حاجه محتاجنها
هو العســل الأبيض
المهم جدا و ليه دور كبير فى شفاء الأطفال
عارفين أن العسل أسعارة بقت غاليه أوى و كتير من أهالى الأطفال معدوش بيقدروا يجيبوه
أحنا هنشيل عنهم ونجيبلهم العسل

تالت حاجه
الأدوية
و دى أصعب حاجه بتقبل الأهالي و بتقبلنا أحنا كمان
أسعار الأدوية غاليه جدا وكمان مش موجوده فى كل مكان
أحنا هنتحدى ده و هنجيب أدوية للأطفال و نساعدهم ونحاول نقول لأهلم أنتم مش لوحدكم

حملتنا بدأت من النهارده . و ان شاء الله مش هتنتهي ....

===========================================

تواصل معانا عن طريق :

أ / محمود نشأت 0187820257

shbabsa7@gmail.com للشباب
girls_info_shbabsa7@yahoo.com للبنات

www.shbabsa7.blogspot.com

============================================

أنتظروا ميعاد الحفلة الختامية