التعليم مش كده ..

كلنا اكيد سمعنا عن وفاه اسلام الطالب
في مدينه الاسكندريه

والدنيا كالعادة قامت ومقعدتش
وكل الصحف اتكلمت وكل القنوات صورت
وسمعنا كلام كتتتير وكأن دة اللي هيرجع حق اسلام واسرته مع العلم ان مهما كان حكم القضاء مع ثقتي الكامله في حكم القضاء
مش هيكون هناك ترضيه مناسبه لاهل الطفل
الكل اخد الفرصه للنقد وتوجيه اللوم للمدرسين
وان المدرسين بيتعاملوا بوحشيه مع الطلبه
وان فلان عينه ضاعت لما المدرس ضربه والبنت اياها حصلها مش عارف ايه....
من الناحيه التانيه ثار المدرسين ثوره عارمه
واطلقوا صفير انذار
وظهرت دعواهم باان الفصل في 70 طالب
وكل طالب جاي من بيئه مختلفه
واسلوب المناهج مش بيساعد ان احنا نعلم الطالب من غير مانستخدم الضرب
وان معتش في تربيه وان اسلوب الطلبه مستفز
وبدأوا في سرد الحكايات
المدرس الفلاني الولد شتمه قدام بقيه الفصل
والمدرسه الفلانيه لما ضربت الولد والد الولد جابلها شويه بلطجيه بهدلوها
وهكذا وهكذا
افتكرت دلوقتي كلمه عادل امام
بلد بتاعه شهادات صحيح
الظاهر ان بلدنا حتي لايمكن اطلاق لقب بلد بتاعه شهادات عليها
لان اللي بيتم حاليا في التعليم هو عجن وعك علي تقيل
لان بلدنا اصبحت ضحيه لاسلوب عقيم للتعليم واطفالنا ومدرسينا
ياعيني
اصبحوا عينات التجارب
واللي بيفلت من دة
بيكون محظوظ حبتين وبيتعلم في مدارس لغات
مع اني لا انفي ان يكون هناك قليل من العجن والعك بس علي خفيف
والمهم
وزي ماواضح ان الميزان اختل تماما
كان لازم بدل الشكوي
نقوم بدور فعال وايجابي
من خلاله نقدم مساعدة للمجتمع حوالينا
وبما ان المدرسين دول اباءنا واخواتنا
والطلبه بردة اخواتنا .....وعشان انا لسه صغيره مش كبييره اوي ماينفعش اقول ولادنا بس يلا.........
وبردة اولادنا
يلا وماله
المهم
قررنا وبما اننا دوما مبادرين كشباب صح
اننا نقوم بحمله توعيه
للمعلمين
نذكرهم بدورهم في بناء جيل جديد
وامه بتعتمد علي تفاعلهم مع ابناءها
وحلم بيزرعوة جوه اولادنا .......حلمنا بالنهضه نفكرهم ان حلمنا..... هو حلمهم
و نقوم كمان بتوعيه للطلبه اللي هم حلم النهارده وبكره
توعيه وتذكره باان اللي واقف قدامه هو اب او ام او اخت هدفها صالحه وصالح الوطن وحملتنا هتشمل توعيه دينيه ونفسيه ودورات تاهليه من خلال كورسات تنميه بشريه
ومن هنا يمكن تكون البدايه
لنهضه تعليمه جديدة
هنلاقي بوستر مصصم للحمله هنحاول برضوه كلنا ننشرها ..
وننشر المواضيع على قد ما نقدر فى المواقع و المنتديات علشان كلمنا يوصل لاكتر عدد ممكن .

كتبها : أ/ نهى جمال الدين

كــفايـه دخــان

السلام عليكم ورحمه الله وبركاته
بسم الله الرحمن الرحيم
يا شباب النهارده هنبدأ حملتنا الجديده
حملت " كفايه دخان "
بدايه حملتنا هتكون على الانتر نت ...... ازاى ؟
يعنى اكيد كلنا لينا حاجات على النت بنشتغل عليها . اذا كانت مدونه او منتدى او حتى على الفيس بوك والمواقع اللى زيه .
و أول خطوه هنعملها اننا هنحاول ننشر البوسترات بتاعت الحمله فى كل الحتت دى على الانتر نت .
علشان كل ما واحد يدخل فى مكان على النت يلاقى بوستر من دول .
ودى زى ما انا قولت هتبقى مجرد أول خطوه للحمله .
وربنا يوفقنا فيها ان شاء الله وندخل على الخطوه التانيه قريب اوى .

"اعترافات سيجارة "

سأل سيجارته بعد نوبة من السعال :

لماذا تفعلين بي ما تفعلين ؟؟!
فأجابت وهي تتحول الى رماد :

أنا علب ملونة وأنت منها تختار ...

هان لأجلي المال والدار

أعاديكم، وتحموني!!!!!! ؟

وبالأموال تفدوني!!!!! ؟

وبالرئتين تُغذوني!!!!! ؟

فعلام تلوموني !؟؟؟

وأنتم لا تعادوني ؟! ؟

إلى الأمراض أدعوكم

تعالوا يا أحبائي

لأقتلكم بوبائي

وأهدافاً لأدوائي

لقد سممت أجوائك

وناري أصبحت دائك

فكم آذيت أبنائك

وكم أحرقت أحشائك

مقامي في الشرايين

كوسواس الشياطين

أنا الأمراض أجمعها

أنا السرطان والقار

أنا سلٌّ وأخطار

وعند الموت أشكال

للشاعر يحيى بشير حاج

رمضان بيخلص أهو ....

السلام عليكم ورحمه الله وبركاته
أيه أخبار أخر أيام رمضان معاكم ؟
ايه لسه شغالين فى العباده زى الاول ولا كسلتوا كده زى حلاتى ..؟
المهم ان دى خلاص اخر ايام فى الشهر المبارك فنحاول تودعه بقى بطريقه تليق بفضله .
انا بجد فرحان أوى يا شباب من شهر رمضان ده , أكيد طبعا مش علشان أن الشهر بيخلص خلاص .
لأ , أنا فرحان من الى حصل فيه , لقيت ناس كتير اوى تقربت من ربنا فى الشهر ده ,وناس بطلت حاجات غلط كتير أوى .
بجد رمضان السنه دى كان يفرح .
بس للأسف رمضان خلص خلاص .
يا ترى بقى الناس الى قربت من ربنا فى رمضان ده هتفضل مقربه منه على طول ولا أيه ؟
والى كانوا فى نهار رمضان مثال محترم جدا للأنسان المسلم . هل هيفضلوا على الطريق ده ولا " هترجع ريما لعادتها القديمه " .
يا جماعه رمضان أصلا المفروض أننا مكناش بنعمل حاجه زياده فيه الا الصيام بس يعنى العباده والأخلاق الكويسه الى أكتسبناها فى الشهر ده المفروض ان دى تكون شئ طبيعى فى كل واحد فينا .
فيارب يثبتنا جميعا بعد شهر رمضان فى عباده الله .

بناتنا وأخواتنا

السلام عليكم ورحمه الله .

بسم الله الرحمن الرحيم
ايه أخباركوا يا شباب ؟؟
اكيد عرفتوا الموضوع عن ايه من الكاركاتير ده .
بس يا ترى فعلا يا جماعه احنا ممكن نوصل للمرحله دى .
البنات دول اكتر من نص المجتمع كمان . يعنى دول أخواتنا
وأمهاتنا ... يا ترى اى حد يرضى ان مامته او اخته تبقى بالمنظر ده .
المنظر ده يعنى ايه ؟!
اقولكوا أنا قصدى ايه ..:
1- اقصد البنات الى ماشيه فى الشارع ولبسها مش قد كده . ( والموضوع ده ناس كتير اوى اتكلمت فيه و البنات منفضه برضوه ) .
2- واقصد برضوه البنات الى فى الجامعه والى واخدين راحتهم مع الشباب بطريقه مستفزه اوى دول .
3- اقصد برضوه البنات الى على النت فى كل حته .. على الفيس بوك وهاى فايف و تاجد . والى مشاء الله على الصور الى فى البروفيل بتاعهم . حاجه تشرف بجد .
4- قصدى على البنات الى بقت بتشرب سجاير عادى جدا والشيشه دى شئ اساسى . ...... دا غير ما خفى كان اعظم بقى .

ينفع يا شباب حد يثق فى بنت زى دى ؟ طيب لو كنتوا قولتوا لأ ... يبقى انت بتعرف بنت زى دى ليه بقى ؟ وياريت البنات تتوقع الأجابه .
يا جماعه احنا بجد لازم نبقى فى ايجابيه من الموضوع ده ..... يعنى ايه ؟
يعنى لو ولد شاف بنت كده مش يفضل يعاكسها بقى ويحسسها انها كده هتعب كل الولاد .
ولو بنت عندها صاحبه كده تحاول تنصحا وتقول لها على الصح علشان تعمله وتكب ثواب فيها .
احنا فى مجتمع مسلم عربى واكيد مينفعشى نتشبه بالغرب فى الحاجات دى وخصوصا الاخلاق . لان الناس دى فى يوم من الايام كانت بتتعلم الأخلاق من الاسلام .... مش نيجى احنا دلوقتى نقول اننا فى عالم منفتح والبنت زى الولد والكلام الفاضى ده كله .

وأنا طبعا مش بقصد بكلامى ده البنات كلهم أنا بتكلم عن جزء منهم يا رب يبقى قليل ..... وربنا يهدينا جميعا

التدخين فى رمضان

السلام عليكم ورحمه الله وبركاته
بسم الله الرحمن الرحيم

أزيكوا يا شباب وأيه أخبار رمضان معاكم ؟؟
ان شاء الله يكون خير
الموضوع النهارده عباره عن سؤال بسيط جدا .... وهو
أنت استفدت ايه من رمضان السنه دى ؟
اكيد كلنا استفدنا الحمد لله .
بس انت بقى يا اللى بتدخن على طول استفدت ايه ؟؟!
هل قدرت تبطل سجاير فى الأيام الى فاتت دى ؟
ولا طبعا كنت بتستنى المدفع اول ما بضرب علشان تفطر على سيجاره كده .
وكنت بتعوض كميه السجاير الى مكونتش بتشربها بالنهار فاكونت بتشرب كميه سجاير كبيره بليل .
ولا اصلا ماكنتشى فارقه معاك وعاملت زى الى قالوا ان التدخين فى نهار رمضان مبيفطرشى وكنت طبيعى جدا وكنت بتستحمل نظرت الناس ليك وانت فى ايدك سيجاره ولا ريحتك سجاير ؟ ولا يمكن يكون الناس دى افتكرت مش مسلم اصلا ؟

يا شباب لازم نفوق شويه بقى ونعرف ان الشهر ده فرصه عظيمه علشان الى بيعمل اى حاجه غلط يقدر يبطلها .
ممكن يكون كلام سمعتوه كتير قبل كده بس هى دى الحقيقه بجد . الشهر ده فرصه بجد اوا زى ما تقول كده اوكازيون للناس .
تلاقيك بتقول برضوه طيب ما انا كل ما احاول ابطل اى حاجه غلط مبقدرشى وشويه وبرجع تانى ..
تحب اقولك على حل ؟ بس حل بجد ..... بس لازم برضوه تكون واثق منه وانت بتعمله ...
عارف هو ايه ؟؟ ................ ادعى ربنا .
اه .... ادعى ربنا انه يهدبك ويخليك تبطل اى حاجه انت نفسك شايف انها غلط وممكن تغضبه .
وعلى فكره احنا دلوقت فى العشره الاواخر من رمضان ................ اه يعنى ايه برضوه ؟
يعنى ممكن تكون من ضمنهم ليله القدر ........ برضوه ايه الى ممكن بحصل ؟
من الاخر كده انت لو دعيت ربنا فى ليله القدر دى بأذن الله ربنا هيستجيب لك .
بس اخلص لله فى الأيام الجايه دى وارجع لربنا وحاول تبقى معاه على طول .
وان شاء الله ربنا ربنا هيستجيب لك .